ಬೆಳಗಿನ ಜಾವಾ ಆಫೀಸ್ ಹೋಗೋದ್ರಲ್ಲಿ ಏನೋ ಒಂದು  ಶಾಂತಿ .

ಹಬ್ಬಕ್ಕೆ ಅಲಂಕರಿಸಿದ ತೋರಣದಂತೆ ಸುಂದರವಾಗಿ ಹೊಳೆವ ಈ ಬೀದಿ ದೀಪಗಳು ,

ಮುದ್ದಾಗಿ ಹೆಣೆದ ಉದ್ದವಾದ ಜಡೆಯಂತೆ ಈ ಖಾಲಿ ರಸ್ತೆಗಳು ,

 ಹೂವು , ತರಕಾರಿ ಮಾರಲೆಂದು ಹಸಿ ಮೂಟೆ ಹೊತ್ತು ಬಸ್ಸು ಹತ್ತುವ ಜನಗಳು ,

ಗಂಡು ಹೆಣ್ಣಿನ ಭೇದ ಇಲ್ಲದೆ ಸೀಟು ಹಂಚಿಕೊಡು ಶಾಲೆಗೇ ಹೊರಟಿರುವ ಪುಟಾಣಿ ಮಕ್ಕಳು ,

 ಟ್ರಾಫಿಕ್ಕಿನ ಟಾರ್ಚುರ್ ಇಲ್ಲದೆ ,

ಹುಂಕರಿಸುವ ಬಸ್ಸು , ಕಾರುಗಳ ಹೋರ್ನುಗಳಿಲ್ಲದೆ ,

ರಾತ್ರಿ ಸುರಿದ ಮಳೆಯಿಂದ ಹಸಿಯಾದ ಕಿಟಕಿಯ ಪಕ್ಕದಲ್ಲಿ ಕೂತು ಪಯಣಿಸುತಿದ್ದರೆ ,

ಹಳ್ಳಿಯ ಪಕ್ಕದಲ್ಲಿನ ಹೈವೇಯಲ್ಲಿ ಹಾದು ಹೋದ ಅನುಭವ.