ಕಡಲು

ಕಡಲು ಬೀಸೋ  ಗಾಳಿಗೆ ಕವಿತೆ ಒಂದು ಮೂಡಿದೆ !

ನೆನಪಿನ ಅಲೆಯ ರಭಸಕೆ ಭಾವ ಬಂದು ದಡಸೇರಿದೆ !!

ಕಾಣದ ಕಡಲಲ್ಲಿ ನೀನೇನು ಹುಡುಕುತ್ತಿರುವೆ ಹುಚ್ಚು ಮನಸೇ ,

ನಿನದಲ್ಲದ  ದೋಣಿ ಅದು, ಮರೆತು ಬಿಡು ಮರಳಿ ಬರುವ ಭರವಸೆ . 

ಕಳೆದು ಹೋದ ದೋಣಿ ನಿನ್ನ ಪಯಣದ ಅಂತ್ಯವಲ್ಲ . 

ಬಿಟ್ಟುಬಿಡು ಅಲೆಯ ಹುಟ್ಟು, ಕಡಲ ಕಡೆಯ ಕಾಣುವ ತವಕ ,

ಮರೆಯಬೇಡ , ನಿನಗು ಒಂದು  ದೋಣಿ ಇದೆ ,ನೀನು ಒಬ್ಬ ನಾವಿಕ . 

ಹತ್ತು ನಿನ್ನ ಹಡಗನ್ನು, 

ತಳ್ಳು ನೆನಪಿನ ಅಲೆಗಳನ್ನು ,

ದೋಣಿ ಮುಂದೆ ಸಾಗಲಿ ,

ಬದುಕು ಹೊಸದೊಂದು ದಡ ಸೇರಲಿ . 

ಕಡಲು ಬೀಸೋ  ಗಾಳಿಗೆ ಕವಿತೆ ಒಂದು ಮೂಡಿದೆ !

ನೆನಪಿನ ಅಲೆಯ ರಭಸಕೆ ಭಾವ ಬಂದು ದಡಸೇರಿದೆ !!